રેખ્તા
હિન્દવી
સૂફીનામા
રાજસ્થાની
અવળા નર
awla nar
અવળા નર
awla nar
દૂબળી ગાયનાં દૂઝણાં, હેઠે વાછરું ધાવે;
લાલ પડોશણ પાતાળી, છાશ લેવાને આવે,
નંદનો કુંવર લાડકો, દૂધ પીવાને આવે;
સાંભળ સૈયર વાતડી, દુઃખ કોને રે કઈએ?
અવળા તે નરને બોલડે, ઊભા કેમ કરી રઈએ?
લાલ, ચોમાસાં આવીઆં, નેવે ઢોલિયા ઢળાવે;
નેવે ઢળાવે ઢોલિયા, ઉપર મેવલા વરસાવે,
નંદનો કુંવર લાડકો, દૂધ પીવાને આવે;
સાંભળ સૈયર વાતડી, દુઃખ કોને રે કઈએ?
અવળા તે નરને બોલડે, ઊભા કેમ કરી રઈએ?
લાલ, શિયાળા આવીઆ, ચોકમાં ઢોલિયા ઢળાવે;
ચોકમાં ઢળાવે ઢોલિયા, ઉપર વાહર નંખાવે,
નંદનો કુંવર લાડકો, દૂધ પીવાને આવે;
સાંભળ સૈયર વાતડી, દુઃખ કોને રે કઈએ?
અવળા તે નરને બોલડે, ઊભા કેમ કરી રઈએ?
લાલ, ઉનાળા આવીઆ, ખૂણે ઢોલિયા ઢળાવે;
ખૂણે ઢળાવે ઢોલિયા, હેઠે અગન ધખાવે,
નંદનો કુંવર લાડકો, દૂધ પીવાને આવે;
સાંભળ સૈયર વાતડી, દુઃખ કોને રે કઈએ?
અવળા તે નરને બોલડે, ઊભા કેમ કરી રઈએ?
સ્રોત
- પુસ્તક : ગુજરાતી લોકસાહિત્યમાળા – મણકો– ૭ (પૃષ્ઠ ક્રમાંક 102)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ, વસંત જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968