રેખ્તા
હિન્દવી
સૂફીનામા
રાજસ્થાની
રંગ પરીક્ષા
rang pariksha
રંગ પરીક્ષા
rang pariksha
રામ ને સીતા વાદ વદે રે,
લાવજો રે એક પીળું પાન;
હૃદય કમળમાં રાસ રમે રે.
પીળો તી હળદળ ગાંઠિયો રે,
પીળી રે ચણાની દાળ;
હૃદયકમળમાં રાસ રમે રે.
રામ ને સીતા વાદ વદે રે,
લાવજો એક લીલું પાન;
હૃદયકમળમાં રાસ રમે રે.
લીલી તે પોપટ પાંખડી રે,
લીલી તે કંઈ નાગર વેલ;
હૃદયકમળમાં રાસ રમે રે.
રામ ને સીતા વદે લડે રે,
લાવજો રે એક રાતું પાન;
હૃદયકમળમાં રાસ રમે રે.
રાતી તે નવરંગ ચૂંદડી રે,
રાતા રે કન્યાના દાંત;
હૃદયકમળમાં રાસ રમે રે.
રામ ને સીતા વાદ વદે રે,
લાવજો રે એક કાળું પાન;
હૃદયકમળમાં રાસ રમે રે.
કાળો તી હેમર હાથીઓ રે,
કાળો રે અષાઢીલો મેઘ;
હૃદયકમળમાં રાસ રમે રે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 248)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968