રેખ્તા
હિન્દવી
સૂફીનામા
રાજસ્થાની
માસા-માસી
masa masi
માસા-માસી
masa masi
પહેલો પક્ષ – માસી! માસી! મારા માસા આવ્યા?
બીજો પક્ષ – ના! ના!
પહેલો પક્ષ – મેડીએ દીવા તો બળે છે ને?
બીજો પક્ષ – આવ્યા હશે!
પહેલો પક્ષ – શું શું લાવ્યા?
બીજો પક્ષ – ડાબલા-ડૂબલી!
પહેલો પક્ષ – ડાબલામાં શું?
બીજો પક્ષ – તેલ.
પહેલો પક્ષ – તેલમાં શું?
બીજો પક્ષ – કાંસકો.
પહેલો પક્ષ – કાંસકીમાં શું?
બીજો પક્ષ – વાળ.
પહેલો પક્ષ – વાળમાં શું?
બીજો પક્ષ – જૂ.
પહેલો પક્ષ – જૂમાં શું?
બીજો પક્ષ – લીંખ!
બેઉ પક્ષ સાથે
અરસપરસ ઉભડક
કૂદતાં કૂદતાં બોલે
લીખ રે લીંખ! તારાં ઝટિયાં પીંખ,
લીંખ રે લીંખ! તારાં ઝટિયાં પીંખ.
સ્રોત
- પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 18)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, ગજાનન વિ. જોશી
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1959