રેખ્તા
હિન્દવી
સૂફીનામા
રાજસ્થાની
રંગ ભીંજે છે
rang bhinje chhe
રંગ ભીંજે છે
rang bhinje chhe
આ રંગની શીશી રંગે ભરી રે રંગ ભીંજે છે,
ભીંજે છે મહારાજ, ગુલાબી રંગ ભીંજે છે.
આ ચીની ચલાણાં રંગે ભર્યાં, રંગ ભીંજે છે,
તમે મરદન કરતા જાવ, ગુલાબી રંગ ભીંજે છે.
આ ત્રાંબા કુંડી જળે ભરી, રંગ ભીંજે છે,
તમે નાવણ કરતા જાવ, ગુલાબી રંગ ભીંજે છે.
આ શીરા પૂરી ને લાપશી, રંગ ભીંજે છે,
તમે ભોજન કરતા જાવ, ગુલાબી રંગ ભીંજે છે.
આ પાન સોપારી ને એલચી, રંગ ભીંજે છે,
તમે મુખવાસ કરતા જાવ, ગુલાબી રંગ ભીંજે છે.
આ સાગ સિસમના ઢોલિયા, રંગ ભીંજે છે,
તમે પોઢણ કરતા જાવ, ગુલાબી રંગ ભીંજે છે.
આ સોના રૂપાનાં સોગઠાં, રંગ ભીંજે છે,
તમે રમતું રમતા જાવ, ગુલાબી રંગ ભીંજે છે.
આ રંગની શીશી રંગે ભરી, રંગ ભીંજે છે,
ભીંજે છે મહારાજ, ગુલાબી રંગ ભીંજે છે.
સ્રોત
- પુસ્તક : ગુજરાતી લોકસાહિત્યમાળા – મણકો– ૭ (પૃષ્ઠ ક્રમાંક 99)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ, વસંત જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968