રેખ્તા
હિન્દવી
સૂફીનામા
રાજસ્થાની
રેવાજીની રેલનો ગરબો
rewajini relno garbo
શ્રી ઉમીઆ સુતને ચરણે નમું, સાચી સરસ્વતી માત:
જાચું દેવી જાહ્નવી, મસ્તક ધરજો હાથ.
શંકરસુતને લાગું પાય, કે સાંભળ સરસ્વતી રે લોલ;
વાળી દેજે માત, કે કરું રૂડી મતિ રે લોલ. 1
સંવત સત્તર ઈઠ્ઠોતેરની સાલ, કે સાંભળ કહું કથા રે લોલ;
ચૌદશ વદ ભાદરવો માસ, કે પિતૃદિન હતા રે લોલ. 2
નિર્મલ નર્મદા રૂડું નામ, કે મન વિચારીઉં રે લોલ;
પ્રગટ્યું દુનીઆ કેરું પાપ, કે જઈ પ્રલે કરું રે લોલ. 3
અમરકંઠથી નીસર્યાં આપ, કે નિર્મલ નર્મદા રે લોલ;
ચોળી માલેસરના લોક, કે તેમાં જઈ ભળ્યાં રે લોલ. 4
ઢોરાં માણસ ને ઘરબાર, કે કશું ના રાખીઉં રે લોલ;
રઈઅત રાજા ને પરધાન, કે સર્વે તેં ખેચીઉં રે લોલ. 5
પછે આવ્યા શૂલપાણને શરણ, કે નિર્મલ નર્મદા રે લોલ;
માનું માહેશનું કેણ, કે પ્રીતે પાછાં વાળો રે લોલ. 6
પછે આવ્યાં પોતાને આવાસ, કે મેલીને આમળો રે લોલ;
એવો કૌતુક થીયું એક, કે સરવે સાંભળો રે લો. 7
અંગરેજ આવ્યો આપણે દેશ, કે માતા કેરે કાંઠડે રે લોલ;
રૂઠ્યાં ચોહોદિશ ગામે ગામ, કે ભાવે પાણી ભર્યાં રે લોલ. 8
માએ આણી મનમાં રીસ, કે તે ઉપર કોપીઆં રે લોલ;
કેમ કર્યું જાંગલાં ઉપર જોર, તીર કેમ લોપીઆં રે લોલ. 9
નદીઓ સર્વેનું ધરીઉં ધ્યાન, કે મનમાં એક ઘડી રે લોલ;
સમરતામાં આવી સૌ કોઈ, કે રીસે રાતડી રે લોલ 10
હાવે તેનો કરું વિસ્તાર, કે સરવે સાંભળો રે લોલ;
ઉમયો, દેવી કેરો દાસ, કે કિંકર જાણીઓ રે લોલ. 11
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 80)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, યશોમતીબહેન મહેતા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1966