rasiya, ratan kuwo madh sankDo - Lokgeeto | RekhtaGujarati

રસિયા, રતન કુવો મધ સાંકડો

rasiya, ratan kuwo madh sankDo

રસિયા, રતન કુવો મધ સાંકડો

રસિયા, રતન કુવો મધ સાંકડો, ને પાતરડી પાણીયાર;

ગોરી, પાતરડી પાણી ભરે, ભ્રામણને ઘેર નાર.

રસિયા, ભ્રામણને ઘેર ગોરણી, ને એનો શ્યો અવતાર?

ગોરી, દીએ ફેરવે તાંબડી, ને રાતે રસોઈ થાય.

રસિયા, રતન કુવો મધ સાંકડો, ને પાતરડી પાણીયાર;

ગોરી, પાતરડી પાણી ભરે, વાણીઆને ઘેર નાર.

રસિયા, વાણીઆને ઘેર ગોરણી, ને એનો શ્યો અવતાર?

ગોરી, દીએ ચિતરે ચોપડા, ને રાતે લેખાં થાય.

રસિયા, રતન કુવો મધ સાંકડો, ને પાતરડી પાણીયાર;

ગોરી, પાતરડી પાણી ભરે, રજપૂતને ઘેર નાર.

રસિયા, રજપૂતને ઘેર ગોરણી, ને એનો શ્યો અવતાર?

ગોરી, દીએ ઘોડલા ખેલને, ને રાતે દાયરા થાય.

રસિયા, રતન કુવો મધ સાંકડો, ને પાતરડી પાણીયાર;

ગોરી, પાતરડી પાણી ભરે, કણબીને ઘેર નાર.

રસિયા, કણબીને ઘેર ગોરણી, ને એનો શ્યો અવતાર?

ગોરી, દીએ ખેડે ખેતરાં, ને રાતે મંગળ ગાય.

સ્રોત

  • પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 216)
  • સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, હરિલાલ કાળીદાસ મોઢા.
  • પ્રકાશક : ગુજરાત લોકસાહિત્ય સમિતિ, અમદાવાદ
  • વર્ષ : 1966