રેખ્તા
હિન્દવી
સૂફીનામા
રાજસ્થાની
રંગ ભીજે છે
rang bhije chhe
રંગ ભીજે છે
rang bhije chhe
રંગની શીશી રંગે ભરી, રે રંગ ભીંજે છે,
ભીંજે છે મહારાજ! ગુલાબી રંગ ભીંજે છે.
આ ચીની ચલાણાં રંગે ભર્યાં, રે રંગ ભીંજે છે,
તમે મરદન કરતા જાવ, ગુલાબી રંગ ભીંજે છે.
આ તાંબાકુંડી જળે ભરી, રે રંગ ભીંજે છે,
તમે નાવણ કરતા જાવ, ગુલાબી રંગ ભીંજે છે.
આ શીરા પૂરી ને લાપશી, રે રંગ ભીંજે છે,
તમે ભોજન કરતા જાવ, ગુલાબી રંગ ભીંજે છે.
આ પાન સોપારી ને એલચી, રે રંગ ભીંજે છે,
તમે મુખવાસ કરતા જાવ, ગુલાબી રંગ ભીંજે છે.
આ સાગ સીસમના ઢોલીઆ, રે રંગ ભીંજે છે,
તમે પોઢણ કરતા જાવ, ગુલાબી રંગ ભીંજે છે.
આ સોના રૂપાનાં સોગઠાં, રે રંગ ભીંજે છે,
તમે રમત રમતા જાવ, ગુલાબી રંગ ભીંજે છે.
આ રંગની શીશી રંગે ભરી, રે રંગ ભીંજે છે,
ભીંજે છે મહારાજ! ગુલાબી રંગ ભીંજે છે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 248)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968