રેખ્તા
હિન્દવી
સૂફીનામા
રાજસ્થાની
આઠ કુવા ને નવ પાવઠાં
aath kuwa ne naw pawthan
પ્રભુ, આઠ કુવા ને નવ પાવઠાં,
નીયાં પાણી ભરે અઢારે આલમ રે;
મૈયારણ સાથે મોહી રીયાં.
પ્રભુ રયો તો ને ઉતારા ઓરડા,
તમે ચાલો તો મેડીના મોલ રે;
મૈયારણ સાથે મોહી રીયાં.
પ્રભુ, આઠ કુવા ને નવ પાવઠાં,
નીયાં પાણી ભરે અઢારે આલમ રે;
મૈયારણ સાથે મોહી રીયાં.
પ્રભુ, રયો તો ને દાતણ દાડમી,
તમે ચાલો તો કણરાની કાંબ્ય રે;
મૈયારણ સાથે મોહી રીયાં.
પ્રભુ, આઠ કુવાને નવ પાવઠાં,
નીયાં પાણી ભરે અઢારે આલમ રે;
મૈયારણ સાથે મોહી રીયાં.
પ્રભુ, રયો તો ને નાવણ કુંડિયાં,
તમે ચાલો તો નદિયુંના નીર રે;
મૈયારણ સાથે મોહી રીયાં.
પ્રભુ, આઠ કુવાને નવ પાવઠાં,
નીયાં પાણી ભરે અઢારે આલમ રે;
મૈયારણ સાથે મોહી રીયાં.
પ્રભુ, રયો તો ને ભોજન લાપસી,
તમે ચાલો તો ઘેવરિયો કંસાર રે;
મૈયારણ સાથે મોહી રીયાં.
પ્રભુ, આઠ, કુવા ને નવ પાવઠાં,
નીયાં પાણી ભરે અઢારે આલમ રે;
મૈયારણ સાથે મોહી રીયાં.
પ્રભુ, રયો તો ને પોઢણ ઢોલિયા,
તમે ચાલો તો હિંડોળા ખાટ રે;
મૈયારણ સાથે મોહી રીયાં.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 27)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968