રેખ્તા
હિન્દવી
સૂફીનામા
રાજસ્થાની
લટકે હાલોજી
latke haloji
લટકે હાલોજી
latke haloji
લટકે હાલો રે નંદલાલજી!
ગોરી, લટકાનાં નહિ મૂલ; લટકે હાલો જી!
ઉજળા રંધાવું રૂડા ચોખલા રે,
ગોરી, તેની રંધાવું ખીર; લટકે હાલો જી!
પ્રથમ જમાડું પિયુ પાતળો રે,
ગોરી, સગી નણંદનો વીર; લટકે હાલો જી!
દૂધડે વરસાવું રૂડા મેહુલા રે,
ગોરી, તારે આંગણે રેલમ છેલ: લટકે હાલો જી!
આંગણે વવરાવું લવીંગ એલચી રે,
ગોરી, તારે ટોડલે નાગરવેલ; લટકે હાલો જી!
લટકે હાલો રે નંદલાલજી!
ગોરી, લટકાનાં નહિ મૂલ; લટકે હાલો જી!
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 286)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968