બડવો કાને કડી

બડવો કાને કડી, હાથે વીંટી હીરે જડી રે.

બડવો જઈ બેઠો છે, દાદાજીને ખોળે ચડી રે,

દાદા જનાઈ દેવરાવો, અમને હોંશ ઘણી રે.

કુંવર ખરચું ખરસું લાખ બે લાખ રે.

હોંશ પુરાવું તમ તણી રે.

બડવો બેઠો છે, કાકાજીને ખોળે ચડી રે.

કાકા કટંબ મેળાવો, અમને હોંશ ઘણી રે.

ભત્રીજા ખરચું ખરચું, લાખ બે લાખ રે.

હોંશ પુરાવું તમ તણી રે.

બડવો જઈને બેઠો, મામાજીને ખોળે ચડી રે.

મામા મોસાળાં લઈ આવો, અમને હોંશ ઘણી રે.

ભાણેજ ખરચું ખરચું લાખ બે લાખ રે.

હોંશ પુરાવું તમ તણી રે.

બડવો જઈ બેઠો છે, વીરાજીને ખોળે ચડી રે.

વીરા વાજીંત્ર વજડાવ અમને હોંશ ઘણી રે.

બંધવ ખરચું ખરચું લાખ બે લાખ રે.

હોંશ પુરાવુ તમ તણી રે.

baDwo kane kaDi