રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પાંચકડા
panchakDa
[1]
હરિ તારા પાંચ પાંચકડા ગાવીં,
પરભુજીના ટાંટિયે વળગ્યાં જાવીં.
કોઈને કરડ્યો મકોડો, ને કોઈને કરડી કીડી,
એક સળગાવ્યું ‘લાઈટર’ ને પાંચે પીધી બીડી.
હરિ તારા પાંચકડા.
[2]
ભવાન પટેલે ભેંશ લીધી ને, મોટા શીંગે મોયા,
બોઘડું લઈને દોવા બેઠા ને, પોકે પોકે રોયા.
હરિ તારા પાંચકડા.
કંઠસ્થઃ પ્રતાપ દાનસિંહ ચાવડા (જલાલપુર)
[3]
હરિ તારા પાંચ પાંચકડા ગાવીં,
પરભુજીના ટાંટિયે વળગ્યાં જાવીં.
નોંઘણવદર રમવા ગ્યા’ તંઈ ઝમકુ ફૂઈએ જાણ્યું,
ત્રણ વચાળ એક ગોદડું આપ્યું અમે રાત બધી તાણ્યું.
હરિ તારા પાંચકડા.
[4]
સારું ગામ સરેવડીને, પાદર ઝાઝાં કૂવા,
બાયું એટલી ભક્તાણીને, આદમી એટલાં ભૂવા.
હરિ તારા પાંચકડા.
[5]
કોઈ ખાય ગોળ ને કોઈ ખાય સાકર.
આ સાંભળનારનું ભલું કરે, મંદિરવાળો ઠાકર.
હરિ તારા પાંચકડા.
(કંઠસ્થઃ નારણભાઈ મકવાણા, ભાવનગર)
સ્રોત
- પુસ્તક : ગુજરાતનાં લોકગીતો (પૃષ્ઠ ક્રમાંક 241)
- સંપાદક : ખોડીદાસ પરમાર
- પ્રકાશક : સાહિત્ય અકાદમી
- વર્ષ : 2018
- આવૃત્તિ : પુનર્મુદ્રણ