રેખ્તા
હિન્દવી
સૂફીનામા
રાજસ્થાની
પોપટ બોલે
popat bole
પોપટ બોલે
popat bole
પોપટ બોલે ને પીંજર ડોલે,
પોપટ બોલે છે પડથારેં, નણંદબાઈ!
મારા પિયરનો પોપટ બોલે.
ક્યો તો નણંદબાઈ, કડલાં ઘડાવું;
કાંબડીની બે બે જોડ્યું, નણંદબાઈ;
મારા પિયરનો પોપટ બોલે.
પોપટ બોલે ને પીંજર ડોલે,
પોપટ બોલે છે પડથારેં, નણંદબાઈ!
મારા પિયરનો પોપટ બોલે.
ક્યો તો નણંદબાઈ, ચૂડલા ઘડાવું,
બંગડીની બે બે જોડ્યું, નણંદબાઈ;
મારા પિયરનો પોપટ બોલે.
પોપટ બોલે ને પીંજર ડોલે,
પોપટ બોલે છે પડથારેં, નણંદબાઈ!
મારા પિયરનો પોપટ બોલે.
ક્યો તો નણંદબાઈ, કાંઠલી ઘડાવું,
ઝુમણાંની બે બે જોડ્યું, નણંદબાઈ;
મારા પિયરનો પોપટ બોલે.
પોપટ બોલે ને પીંજર ડોલે,
પોપટ બોલે છે પડથારેં, નણંદબાઈ!
મારા પિયરનો પોપટ બોલે.
ક્યો તો નણંદબાઈ, નથડી ઘડાવું,
ટીલડીની બે બે જોડ્યું, નણંદબાઈ;
મારા પિયરનો પોપટ બોલે.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 47)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968