રેખ્તા
હિન્દવી
સૂફીનામા
રાજસ્થાની
કડવાં-મીઠાં
kaDwan mithan
દરાખ મીઠી રે પાંદડે,
એવા મીઠા મારા દાદાજીના બોલ રે;
નાવલિયો મારો નેહે ભર્યો રે.
કાંક્ચ કડવી રે પાંદડે,
એવા કડવા મારા સસરાજીના બોલ રે;
નાવલિયો મારો નેહે ભર્યો રે.
કેરી મીઠી રે આંબલે,
એવા મીઠા મારાં માતાજીના બોલ રે;
નાવલિયો મારો નેહે ભર્યો રે.
લીંબી કડવી રે પાંદડે,
એવા કડવા મારાં સાસુજીના બોલ રે;
નાવલિયો મારો નેહે ભર્યો રે.
લીંબી કડવી રે પાંદડે,
એવા કડવા મારાં સાસુજીના બોલ રે;
નાવલિયો મારો નેહે ભર્યો રે.
દરાખ મીઠી રે પાંદડે,
એવા મીઠા મારા વીરાજીના બોલ રે;
નાવલિયો મારો નેહે ભર્યો રે.
કાંક્ચ કડવી રે પાંદડે,
એવા કડવા મારા જેઠજીના બોલ રે;
નાવાલિયો મારો નેહે ભર્યો રે.
શેરડી મીઠી રે પાંદડે
એવા મીઠા મારાં ભાભીના બોલ રે;
નાવલિયો મારો નેહે ભર્યો રે.
મરચી તીખી રે પાંદડે,
એવા તીખા મારાં જેઠાણીના બોલ રે;
નાવલિયો મારો નેહે ભર્યો રે.
દરાખ મીઠી રે પાંદડે,
એવા મીઠા મારાં બેનીજીના બોલ રે;
નાવલિયો મારો નેહે ભર્યો રે.
કાંક્ચ કડવી રે પાંદડે
એવા કડવા મારી નણદીના બોલ રે;
નાવલિયો મારો નેહે ભર્યો રે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 249)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968