ઊંચા ઊંચા રે દાદા ગઢડાં ચણાવો

ઊંચા રે દાદા ગઢડાં ચણાવો,

તે પે ઊંચેરા ગઢના કાંગરા.

કાંગરે ચડીને બેની રેખાબા જુવે,

કેટલેક આવે વરરાજિયો.

પાંચસે પાળા રે દાદા છસેં ચડિયાત

ઘોડાની ધૂમસે વરરાજિયો.

કોઠિયું ના ઘઉં રે ધેડી તારી જાને ખૂટવાડ્યા,

તોય ન રીઝ્યો વરરાજિયો.

ગૌરીના ઘી રે ધેડી તારી જાને ખૂટવાડ્યા,

તોય ન રીઝ્યો વરરાજિયો.

જોટ્યુના દૂધ રે ધેડી તારી જાને ખૂટવાડ્યા,

તોય ન રીઝ્યો વરરાજિયો.

નદીયુંના નીર રે ધેડી તારી જાને ખૂટવાડ્યા,

તોય ન રીઝ્યો વરરાજિયો.

હાથપગ ધોઈને દાદે રેખાબા દીધા,

ધમકે રીઝ્યો રે વરરાજિયો.

uncha uncha re dada gaDhDan chanawo