રેખ્તા
હિન્દવી
સૂફીનામા
રાજસ્થાની
ફૂવડ વહુ
phuwaD wahu
ફૂવડ વહુ
phuwaD wahu
મારી ખડકીમેં કાછિયો, વાલો વણઝારો રે;
કાછિયો વેચે તુવેર, વાલો વણઝારો રે.
લેવ રે શંકરભઈ! તુવેર, વાલો વણઝારો રે;
અમ ઘેર બૈયર ફૂવેડ! તુવેર શું કરીએ રે?
મારી ખડકીમેં કાછિયો, વાલો વણઝારો રે;
કાછિયો વેચે કૂંચી, વાલો વણઝારો રે.
લેવ રે શંકરભઈ! કૂંચી, વાલો વણઝારો રે;
અમ ઘેર બૈયર ઊંચી! કાંચી શું કરીએ રે?
મારી ખડકીમેં કાછિયો, વાલો વણઝારો રે;
કાછિયો વેચે રીંગણી, વાલો વણઝારો રે.
લેવ રે શંકરભઈ! રીંગણી, વાલો વણઝારો રે;
અમ ઘેર બૈયર ઠીંગણી! રીંગણી શું કરીએ રે?
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 235)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, શંકરભાઈ સોમાભાઈ તડવી.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1966