રેખ્તા
હિન્દવી
સૂફીનામા
રાજસ્થાની
ફૂલરસિયા
phularasiya
ફૂલરસિયા
phularasiya
આવ્યા આવ્યા શ્રી લખમણ રામ;
અજોધા ફૂલ રસિયા.
અજોધાનાં લોક ફૂલ્યાં, ફૂલ્યાં સૌ વનરાય;
અજોધા ફૂલ રસિયા.
આજોધાની માંય ફૂલ્યાં, ફૂલ્યાં કૌશલ્યા માય,
અજોધા ફૂલ રસિયા.
આવ્યા આવ્યા શ્રી લખમણ રામ;
અજોધા ફૂલ રસિયા.
ગવરી ગાયનાં ગોબર મંગાવો,
સૌ મંદિર લીંપાવો રસિયા.
એવા ચોક મોતીના પૂરાય;
અજોધા ફૂલ રસિયા.
ત્યાં આનંદ મંગલ થાય
અજોધા ફૂલ રસિયા.
સીતાજી બેઠાં સિંહાસન ચડી;
લખમણ ઉભા ચમર ઢાળ;
માતા કૌશલ્યા વારણાં ઉતારે,
એને હૈયે હરખ ન માય.
એની શોભા વરણવી વન જાય;
અજોધા ફૂલ રસિયા.
આવ્યા આવ્યા શ્રી લખમણ રામ;
અજોધા ફૂલ રસિયા.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 24)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968