રેખ્તા
હિન્દવી
સૂફીનામા
રાજસ્થાની
નિંદર
nindar
નિંદર
nindar
અલી પાંદડી આવજે ના વહેલી;
મારૂં ઘુમટે ઘેરાઈ જાય રે મુખડુ, અલબેલી!
અલી પાંદડી, આવજે ન વહેલી!
અલી વાદળી, આવજે ના વહેલી;
મારી ઝટપટ ધોવાઈ જાય રે, પાનીઓ રંગેલી!
એલી પાંદડી, આવજે ના વહેલી?
અલી વીજળી, આવજે ના વહેલી,
મારી થરથર કંપે કાય રે, પાંદડીમાં પોઢેલી;
અલી પાંદડી, આવજે ન વહેલી!
અલી માલણાં, આવજે ના વહેલી;
મારી નિંદર નાસી જાય રે, અધવચ આવેલી;
અલી પાંદડી, આવજે ના વહેલી?
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 46)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ, જશુમતી નાનાલાલ.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968