રેખ્તા
હિન્દવી
સૂફીનામા
રાજસ્થાની
નેજાવાળો
nejawalo
નેજાવાળો
nejawalo
નેજો નવા નગરથી આયો, નેજાવાળો રે.
માર ચિયા ભઈ શ ધુતારા? નેજાવાળો રે.
માર લરજીભઈ શ ધુતારા, નેજાવાળો રે.
મારા ચિયાં વ’વ રુ શ ધુતારાં? નેજાવાળો રે.
માર પમુ વવું શ ધુતારાં, નેજાવાળો રે.
નેજો નવા નગરથી આયો, નેજાવાળો રે.
માર ચિયાં ભઈ શ રઢિયાળા, નેજાવાળો રે.
માર કાનાભઈ શ રળિયાળા, નેજાવાળો રે.
માર ચિયાં વ’વારુ શ રઢિયાળાં, નેજાવાળો રે.
મારા શાન્તુ વવુ શ રઢિયાળા, નેજાવાળો રે.
નેજો નવા નગરથી આયો, નેજાવાળો રે.
માર ચિયાં ગામ શ ધુતારાં, નેજાવાળો રે.
માર હાંણદ ગામ શ ધુતારાં, નેજાવાળો રે.
માર ચિયાં ગામ શ રઢિયાળાં, નેજાવાળો રે.
માર ધોરકા ગામ શ રઢિયાળાં, નેજવાળો રે.
નેજો નવા નગરથી આયો નેજાવાળો રે.
રસપ્રદ તથ્યો
સાણંદ તાલુકાના રણમલગઢ ગામના કાનાભાઈ પાસેથી મળેલું છે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 117)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, પુરષોત્તમ સોલંકી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968