રેખ્તા
હિન્દવી
સૂફીનામા
રાજસ્થાની
નણદલ આયાં પરોણલે રે
nandal ayan paronle re
નણદલ આયાં પરોણલે રે
nandal ayan paronle re
નણદલ આયાં પરોણલે રે, એને લાગી લે’રિયાની રઢ;
મારી નણદલ માગે લે’રિયું.
મારા બાપનું વણેલું લેરિયું રે, મારી માની પડાયેલ ભાત;
મારી નણદલ માગે લે’રિયું.
સામી કોડ્યુંમાં બાંધ્યા બળદિયા, નણંદલ, જોઈ જોઈને લઈ જાવ’
મારી નણંદલ માગે લે’રિયું.
અમે વાડામાં બાંધી ઝોટડિયું, નણદલ, જોઈ જોઈને લઈ જાવ;
મારી નણંદલ માગે લે’રિયું.
સામે આંગણે બાંધેલ ઘોડીલા, નણદલ, જોઈ જોઈને લઈ જાવ;
મારી નણંદલ માગે લે’રિયું.
‘વાટ્યે મળજો ચાર ચોરટા, લૂંટાઈ જાજ્યો મારુ રૂપાળું લે’રિયું
મારી નણદલ માગે લે’રિયું.
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 115)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, નિરંજન સરકાર.
- વર્ષ : 1966