રેખ્તા
હિન્દવી
સૂફીનામા
રાજસ્થાની
જડચી જતાપરની દીકરી રે
jaDchi jataparni dikri re
જડચી જતાપરની દીકરી રે
jaDchi jataparni dikri re
જડચી જતાપરની દીકરી રે, જડચી લીયાની ભાણેજ;
જડચી જતી રૈ ચુંવાળમાં રે.
જડચીનો પત્યા કાગળ મોકલે રે, જડી મારી, એકવાર મળવા આય;
જડચી જતી રૈ ચુંવાળમાં રે.
પત્યાજી હવે ના કરશો ઓરતા રે, લસિયા છઠ્ઠીના મારા લેખ,
જડચી જતી રૈ ચુંવાળમાં રે.
જડચીની માડી માથાં કૂટતી રે, જડી મારી એકવાર મળવા આય;
જડચી જતી રૈ ચુંવાળમાં રે.
માડી, તું હવે નો માથડાં ફૂટતી રે, જેવા લસિયા મારા લેખ;
જડચી જતી રૈ ચુંવાળમાં રે.
જડચીની સૈયરું કાગળ મોકલે રે, જડી બોન ગીતડાં ગાવા આય;
જડચી જતી રૈ ચુંવાળમાં રે.
સૈયરું, હવે નો કરશો ઓરતા રે; લસિયા છઠ્ઠીના મારા લેખ.
જડચી જતી રૈ ચુંવાળમાં રે.
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 114)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, નિરંજન સરકાર.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1966