રેખ્તા
હિન્દવી
સૂફીનામા
રાજસ્થાની
રાયણું ટોવા હેંડી ’લ્યા ઝમકુ
rayanun towa henDi ’lya jhamaku
રાયણું ટોવા હેંડી ’લ્યા ઝમકુ
rayanun towa henDi ’lya jhamaku
રાયણું ટોવા હેંડી ’લ્યા ઝમકુ રાયણું હોવા હેંડી;
એને કઈડ્યો કાળુડો નાગ રે, ઝમકુ નાડોદી!
સસરોજી વાટયું જોવે, ઝમકુનો સસરો વાટયું જોવે;
મારા લાજે રે મલાજા ઘરે આવે રે, ઝમકુ નાડોદી!
સાસુડી વાટ્યું જોવે, ઝમકુની સાસુડી વાટયું જોવે;
મારી હીયાના હાર ઘરે આવો રે, ઝમકુ નાડોદી!
જેઠજી વાટયું જોવે, ઝમકુનો જેઠજી વાટયું જોવે;
મારી લાખેણી લાજું ઘરે આવો રે, ઝમકુ નાડોદી!
જેઠાણી વાટયું જોવે, ઝમકુની જેઠાણી વાટયું જોવે;
મારી નાનેરી વઉજી ઘરે આવો રે, ઝમકુ નાડોદી!
દીયોરીયો વાટયું જોવે, ઝમકુનો દીયોરીયો વાટું જોવે;
મારી ભાભલડી ઘરે આવો રે, ઝમકુ નાડોદી!
પૈણોજી વાટયું જોવે, ઝમકુંનો પૈણો વાટયું જોવે;
મારી ભવે ભવની જોડી ઘરે આવો રે, ઝમકુ નાડોદી!
અંદણ ચંદણની ચેયું બળે, ઝમકુની ચેયું બળે;
કાંય રોવે આખું ગામ રે, ઝમકુ નાડોદી!
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 255)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, નિરંજન સરકાર.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1966