રેખ્તા
હિન્દવી
સૂફીનામા
રાજસ્થાની
દાદાના દેશમાં
dadana deshman
દાદાના દેશમાં
dadana deshman
હો મોરલા, જાજે દાદાના દેશમાં,
દાદાના દેશમાં બાગ બગીચા;
આંબે બેસીને ટહુકા કરજે મોરલિયા!
હો મોરલા, જાજે દાદાના દેશમાં,
દાદાના દેશમાં ઉતારા ઓરડા;
ઉતારા કરીને વે’લો વરજે મોરલિયા!
હો મોરલા, જાજે કાકાના દેશમાં,
કાકાના દેશમાં બાગ બગીચા;
આંબે બેસીને ટહુકા કરજે મોરલિયા!
હો મોરલા, જાજે કાકાના દેશમાં,
કાકાના દેશમાં દાતણ દાડમી;
દાતણ કરીને વે’લો વરજે મોરલિયા!
હો મોરલા, જાજે મામાના દેશમાં,
મામાના દેશમાં બાગ બગીચા;
આંબે બેસીને ટહુકા કરજે મોરલિયા!
હો મોરલા, જાજે મામાના દેશમાં,
મામાના દેશમાં નાવણિયાં કુંડિયાં;
નાવણ કરીને વે’લો વરજે મોરલિયા!
હો મોરલા, જાજે વીરાના દેશમાં,
વીરાના દેશમાં બાગ બગીચા;
આંબે બેસીને ટહુકા કરજે મોરલિયા!
હો મોરલા, જાજે વીરાના દેશમાં,
વીરાના દેશમાં ભોજન લાપસી;
ભોજન કરીને વેલો વરજે મોરલિયા!
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 53)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968