મોરલી રે મારા દરીઆમાં વાગે

મોરલી રે મારા દરીઆમાં વાગે,

વગાડે વણદીનો વીરો રે, ચાલ જોવા જઈએ.

બાઈજી રે મને કંઠી ગડાવો,

કંઠી ગડાવીને ગુગરી મેલાવો;

ગુગરીનો ઝમકારો રે, ચાલ જોવા જઈએ.

બાઈજી રે મને દાણીયું ગડાવો,

દાણીયું ગડાવી માંય ગુગરી મેલાવો;

ગુગરીનો ઝમકારો રે, ચાલ જોવા જઈએ.

મોરલી રે મારા દરિયામાં વાગે,

મોરલી રે મારા દરિયામાં વાગે;

વગાડે નદણીનો વીરો રે, ચાલ જોવા જઈએ.

પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 212)
સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, જ. રા. ચૌધરી.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1966

morli re mara dariaman wage