રેખ્તા
હિન્દવી
સૂફીનામા
રાજસ્થાની
રંગ લાગ્યો
rang lagyo
રંગ લાગ્યો, ચૂંદડીએ રંગ લાગ્યો,
હોવે હોવે ચૂંદડીએ રંગ લાગ્યો.
મારી ચૂંદડીના ચટકા ચાર – ચૂંદડીએ.
મારા પ્રભુજી આવ્યા પરોણલા
એમને શાં શાં બેસણ દઈશ – ચૂંદડીએ.
એમને સાંગામાંચી હીરે ભરી
ચૂંદડી લાલગુલાલ – ચૂંદડીએ.
મારા પ્રભુજી આવ્યા પરોણલા
એમને શાં શાં દાતણ દઈશ – ચૂંદડીએ.
મારા પ્રભુજી આવ્યા પરોણલા
એમને શાં શાં ઝીલણ દઈશ – ચૂંદડીએ.
એમને તાંબા તે કૂંડીઓ જળે ભરી
એમને હીરકોરી ધોતિયાં દઈશ – ચૂંદડીએ.
મારા પ્રભુજી આવ્યા પરોણલા
એમને શાં શાં ભોજન દઈશ – ચૂંદડીએ.
એમને સેવ સુંવાળી લાવસી
એમને ખોબલે પીરસી ખાંડ – ચૂંદડીએ.
મારા પ્રભુજી આવ્યા પરોણલા
એમને શાં શાં મુખવાસ દઈશ – ચૂંદડીએ.
એમને લવિંગ સોપારી એલચી
એમને બીડલે બાસઠ પાન – ચૂંદડીએ.
(રખિયાલ બત્રીસપુરાની બહેનોએ આપેલો ગરબો.)
સ્રોત
- પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 48)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, શિવશંકર પ્રાણલાલ શુક્લ
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1959