રેખ્તા
હિન્દવી
સૂફીનામા
રાજસ્થાની
મેવલે છેતર્યા
mewle chhetarya
મેવલે છેતર્યા
mewle chhetarya
વાવી વાવી જાર્યુ, ને વાવ્યા બાજરા રે,
વાવ્યો વાવ્યો ચાંપલિયાનો છોડ; મલકનો રાજા મેવલો;
હોંસીલે મેવલે છેતર્યા રે.
ગામના કણબી તો વાટું જોઈ રિયા રે,
મારે વાવણી કર્યાની ઘણી હામ : મલકનો રાજા મેવલો;
હોંસીલે મેવલે છેતર્યા રે.
ગામના પટેલ તો વાટું જોઈ રિયા રે,
મારે ખોળા લેવાની ઘણી હામ : મલકનો રાજા મેવલો;
હોંસીલે મેવલે છેતર્યા રે.
ગામના સુતાર તો વાટું જોઈ રિયા રે,
મારે માપાં લેવાની ઘણી હામ : મલકનો રાજા મેવલો,
હોંસીલે મેવલે છેતર્યા રે.
ગામની દીકરિયું તી વાટું જોઈ રઈ રે,
અમને કરિયાવર લેવાની ઘણી હામ : મલકનો રાજા મેવલો,
હોંસીલે મેવલે છેતર્યા રે.
ગામના દરબાર તો વાટું જોઈ રિયા રે,
મારે વજે લેવાની ઘણી હામ : મલકનો રાજા મેવલો,
હોંસીલે મેવલે છેતર્યા રે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 254)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968