મારેથી કેમ મરાશે?

મરવા ટાણે રે, મારેથી કેમ મરાશે?

કેમ મરાશે? શી ગત્ય થાશે?

વખત કેમ વેઠાશે – મારેથી કેમ મરાશે?

જોર કરીને જાળાં, ચડશે, ડચકાં કેમ ખવાશે?

મારેથી કેમ મરાશે?

ભર્યાભાદર્યાં રે આ ઘર કોના થાશે?

આવતલ શોક્ય દુઃખણાં લેશે,

એના ઘર કે'વાશે, મારેથી કેમ મરાશે?

બે બાળકડાં રે મુજને બહુ લાડકડાં,

મરવા ટાણે વેગળા રે'શે, મારા કેમ કે’વાશે?

મરવા ટાણે રે મારેથી કેમ મરાશે?

(કંઠસ્થ : વખતબહેન સાલકી, ગામ મહાદેવપરા)

marethi kem marashe?