રેખ્તા
હિન્દવી
સૂફીનામા
રાજસ્થાની
હાય રે બેની પડવે તે ગામ
hay re beni paDwe te gam
હાય રે બેની પડવે તે ગામ ન જઈએ;
પડવે તો હોય બેસતું વર્ષ જો!
ઘડી રે રાખોને બેની પાલખી!
હાય રે બેની બીજે તે ગામ ન જઈએ;
બીજે તો હોય ભાઈબીજ જો!
ઘડી રે રાખોને બેની પાલખી!
હાય રે બેની ત્રીજે તે ગામ ન જઈએ;
ત્રીજે તો હોય અખાત્રીજ જો!
ઘડી રે રાખોને બેની પાલખી;
હાય રે બેની ચોથે તો ગામ ન જઈએ;
ચોથે તો હોય ગણેશ ચોથ જો!
ઘડી રે રાખોને બેની પાલખી!
હાય રે બેની પાંચમે ગામ ન જઈએ;
પાંચમે હોય નાગપાંચમ જો!
ઘડી રે રાખોને બેની પાલખી!
હાય રે બેની છઠ્ઠે તો ગામ ન જઈએ;
છઠ્ઠે તો હોય રાંધણછઠ જો!
ઘડી રે રાખોને બેની પાલખી!
હાય રે બેની સાતમે ગામ ન જઈએ;
સાતમે હોય શીતળા સાતમ જો!
ઘડી રે રાખોને બેની પાલખી!
હાય રે બેની આઠમે ગામ ન જઈએ;
આઠમે હોય ગોકુળ આઠમ જો!
ઘડી રે રાખોને બેની પાલખી!
હાય રે બેની નોમે ગામ ન જઈએ;
નોમે તો હોય રામનવમી જો!
ઘડી રે રાખોને બેની પાલખી!
હાય રે બેની દશમે ગામ ન જઈએ;
દશમે તો હોય વિજયાદશમી જો!
ઘડી રે રાખોને બેની પાલખી!
હાય રે બેની અગિયારશે ગામ ન જઈએ;
એકાદશીએ હોય નિર્જળા એકાદશી જો!
ઘડી રે રાખોને બેની પાલખી!
હાય રે બેની બારસે ગામ ન જઈએ;
બારસે હોય વાઘ બારસ જો!
ઘડી રે રાખોને બેની પાલખી!
હાય રે બેની તેરશે ગામ ન જઈએ;
તેરશે હોય ધનતેરશ જો!
ઘડી રે રાખોને બેની પાલખી!
હાય રે બેની ચૌદશે ગામ ન જઈએ;
ચૌદશે હોય કાળી ચૌદશ જો!
ઘડી રે રાખોને બેની પાલખી!
હાય રે બેની પૂનમે ગામ ન જઈએ;
પૂનમે હોય શરદ્ પૂર્ણિમા જો!
ઘડી રે રાખોને બેની પાલખી!
સ્રોત
- પુસ્તક : ગુજરાતી લોકસાહિત્યમાળા – મણકો– ૪ (પૃષ્ઠ ક્રમાંક 133)
- સંપાદક : ગુજરાત લોકસાહિત્ય સમિતિ (ધૂમકેતુ, મંજુલાલ ર. મજમૂદાર, પુષ્કર ચંદરવાકર, સુધા રમણલાલ દેસાઇ, મધુભાઈ પટેલ, કનૈયાલાલ જોશી.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1964