રેખ્તા
હિન્દવી
સૂફીનામા
રાજસ્થાની
મારા ખેતરમાં ભાગ
mara khetarman bhag
મારા ખેતરમાં ભાગ
mara khetarman bhag
આજ ખેતર ખેડાવશું, ને મારી કણબણ લાવશે ભાત.
ખેતર ખેડીને વે’લેરો વરજે, હું નહિ લાવું ભાત;
ઘરના કણબી, મારો નથી ખેતરમાં ભાગ.
આજ બાજરો વાવશું, ને મારી કણબણ લાવશે ભાત.
બાજરો વાવીને વે’લેરો વરજે, હું નહિ લાવું ભાત;
ઘરના કણબી, મારો નથી ખેતરમાં ભાગ.
આજ બાજરો નેંદશું ને મારી કણબણ લાવશે ભાત.
બાજરો નેંદીને વે’લોરે વરજે, હું નહિ લાવું ભાત;
ઘરના કણબી, મારો નથી ખેતરમાં ભાગ.
આજ બાજરો વાઢશું, ને મારી કણબણ લાવશે ભાત.
બાજરો વાઢીને વે’લેરો વરજે, હું નહિ લાવું ભાત;
ઘરના કણબી, મારો નથી ખેતરમાં ભાગ.
આજ બાજરો મસળશું, ને મારી કણબણ લાવશે ભાત.
બાજરો મસળીને વે’લેરો વરજે, હું નહિ લાવું ભાત;
ઘરના કણબી, મારો નથી ખેતરમાં ભાગ.
આજ બાજરો વેચશું, ને મારી કણબણ લાવશે ભાત.
મૂડો વેચીને ચૂડો ઘડાવજે, ધમકે લાવીશ ભાત;
ઘરના કણબી, મારો છે ખેતરમાં ભાગ.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 56)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968