માને કે’જો કે આણાં મોકલે

ચાંદલિયા વીર! માને કે’જો કે આણાં મોકલે.

મારો સસરો તી સાંઢીયા જેવડો,

કાંઈ ડગ ડગ કરે, કાંઈ ડગ ડગ કરે,

ચાંદલિયા વીર! માને કે’જો કે આણાં મોકલે.

મારી સાસુ તી મરચાં જેવડી,

કાંઈ તીખી લાગે, કાંઇ તીખી લાગે,

ચાંદલિયા વીર! માને કે’જો કે આણાં મોકલે.

મારો જેઠ તી જોડા જેવડો,

કાંઈ કિચૂડ કરે, કાંઈ કિચૂડ કરે,

ચાંદલિયા વીર! માને કે’જો કે આણાં મોકલે.

મારો દેર તી દેડકા જેવડો,

કાંઈ ડેં ડેં કરે, કાંઈ ડેં ડેં કરે,

ચાંદલિયા વીર! માને કે’જો કે આણાં મોકલે.

મારી નણંદ તી વીંછણ જેવડી,

કાંઈ ચટકા ભરે, કાંઈ ચટકા ભરે,

ચાંદલિયા વીર! માને કે'જો કે આણાં મોકલે.

mane ke’jo ke anan mokle