રેખ્તા
હિન્દવી
સૂફીનામા
રાજસ્થાની
શ્રી રામ રામ રે
shri ram ram re
શ્રી રામ રામ રે
shri ram ram re
શ્રી રામ રામ રે પીત્તળ લોટો જળે ભર્યો રે!
દાતણ વેળા વહી જાય; પ્રાણીયા! હેતે હરિને સંભાળજો!
શ્રી રામ રામ તે તાંબા તે કુંડીઓ જળે ભરી રે!
નાવણવેળા વહી જાય; પ્રાણીયા! હેતે હરિને સંભાળજો!
શ્રી રામ રામ રે રાંધી રસોઈઓ ઈમ રહી રે!
ભોજનવેળા વહી જાય; પ્રાણીયા! હેતે હરિને સંભાળજો!
શ્રી રામ રામ રે ઢાળેલા ઢોલિયા ઈમ રહ્યા રે!
પોઢણવેળા વહી જાય; પ્રાણીયા! હેતે હરિને સંભાળજો!
શ્રી રામ રામ રે ખૂંટીએ માળા ઈમ રહી રે!
ભજ્યાની વેળા વહી જાય; પ્રાણીયા! હેતે હરિને સંભાળજો!
શ્રી રામ રામ રે ધન દોલત અને રૂપિયા રે!
સાથે આવે ન કાંઈ; પ્રાણીયા! હેતે હરિને સંભાળજો!
શ્રી રામ રામ રે કાચા તે કંપનો ઘડુલિયો રે!
નંદાતાં ન લાગે રે વાર, પ્રાણીયા! હેતે હરિ ને સંભાળજો!
સ્રોત
- પુસ્તક : ગુજરાતી લોકસાહિત્યમાળા – મણકો– ૪ (પૃષ્ઠ ક્રમાંક 132)
- સંપાદક : ગુજરાત લોકસાહિત્ય સમિતિ (ધૂમકેતુ, મંજુલાલ ર. મજમૂદાર, પુષ્કર ચંદરવાકર, સુધા રમણલાલ દેસાઇ, મધુભાઈ પટેલ, કનૈયાલાલ જોશી.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1964