રેખ્તા
હિન્દવી
સૂફીનામા
રાજસ્થાની
લેલીડો ઘેલો
leliDo ghelo
લેલીડો ઘેલો
leliDo ghelo
રાણાના રાજમાં લેલીડો ઘેલો,
ડોઢીમાં જામી રે રિયો.
પરથમ આવીને કિલ્લો રે ફાડ્યો,
ભાઠુંમાં પથરાઈ રિયો; રાણાના.
જૂનો કંડેલીઓ કાઢી રે નાખ્યો,
દીવાની દાંડીએ દીવો રિયો, રાણાના.
અસલી રસ્તા એણે કાઢી રે નાખ્યા,
સૈડેકના ચાલણાં કીધાં; રાણાના.
સોના ને રૂપાં કાઢી રે નાખ્યાં,
પિત્તળનાં ચલણ કીધાં; રાણાના.
પાલી પોવાલાં કાઢી રે નાખ્યાં,
તરાજવાનાં ચલણ કીધાં; રાણાના.
રાણાસાઈ કોરી કાઢી રે નાખી,
રૂપિયાનાં ચલણ કીધાં; રાણાના.
જૂનો દરબારગઢ ખાંડો રે કીધો,
રાજમહેલનાં હલણાં કીધાં; રાણાના.
બાલાબંધી આંગડી કાઢી રે નાખી,
ખમીસનાં ચલણ કીધાં; રાણાના.
આંટિયાળી પાઘડિયું કાઢી રે નાખી,
ટોપીઓનાં ચલણ કીધાં; રાણાનાં.
ખાટી રે છાશનાં વાધાં પડ્યા, ને
ઓલી ચાનાં ચલણ કીધાં; રાણાના.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 268)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968