રેખ્તા
હિન્દવી
સૂફીનામા
રાજસ્થાની
વા વાયાને વાદળ ઉમટ્યાં
wa wayane wadal umatyan
વા વાયાને વાદળ ઉમટ્યાં
wa wayane wadal umatyan
વા’ વાયાને વાદળ ઉમટ્યાં,
ગોકુળમાં ટહૂક્યાં મોર,
મળવા આવો સુંદરવર શામળિયાo
તમે મળવા તે ના’વો શા માટે?
તમે છો રે સદાયના ચોર,
મળવા આવો સુંદરવર શામળિયાo
તમે કાળી તે કામળી ઓઢંતા,
તમે ભરવાડના ભાણેજ,
મળવા આવો સુંદરવર શામળિયાo
તમે ટાઢો તે ઠુંમરો આરોગતાં,
તમે અસલ ગોવાળની જાત,
મળવા આવો સુંદરવર શામળિયા.
(કંઠસ્થઃ જેઠાભાઈ ચૌહાણ, ગામઃ લાખાવાડ)
સ્રોત
- પુસ્તક : ગુજરાતનાં લોકગીતો (પૃષ્ઠ ક્રમાંક 225)
- સંપાદક : ખોડીદાસ પરમાર
- પ્રકાશક : સાહિત્ય અકાદમી
- વર્ષ : 2018
- આવૃત્તિ : પુનર્મુદ્રણ