રેખ્તા
હિન્દવી
સૂફીનામા
રાજસ્થાની
ગોકુળની ગોવાળણી
gokulni gowalni
ગોકુલની ગોવાલણી રે, મહી વેચવાને જાય,
આડા ફર્યા કુંવર કાનજી, હો કાનુડા, લાગું તારે પાય;
મેલોને મોહન મટકી.
મેલોને મોહન મટકી રે, મારાં મહીડાં છલકાય,
ભીંજે મારી નવરંગ ચુંદડી, હો કાનુડા, લાગું તારે પાય;
મેલોને મોહન મટકી.
ધોળાં ધોબી ધુવે ધોતિયાં રે, ધોળી બગલાની પાંખ,
ધોળાંનો સંગ નવ કરીયેં, ધોળાં માણસ ધુતારાં હોય;
મેલોને મોહન મટકી.
ગોકુલની ગોવાલણી રે, મહી વેચવાને જાય,
આડા ફર્યા કુંવર કાનજી, હો કાનુડા, લાગું તારે પાય;
મેલોને મોહન મટકી.
મેલોને મોહન મટકી રે, મારાં મહીડાં છલકાય,
ભીંજે મારી નવરંગ ચુંદડી, હો કાનુડા, લાગું તારે પાય;
મેલોને મોહન મટકી.
કાળાં ખેતર વન ખેડીયેં રે, કાળા તલ ન ચોરાય,
કાળાંનો સંગ નવ કરીયેં, કાળાં માણસ કામણગારાં હોય;
મેલોને મોહન મટકી.
મેલોને મોહન મટકી રે, મારાં મહીડાં છલકાય,
ભીંજે મારી નવરંગ ચુંદડી, હો કાનુડા, લાગું તારે પાય;
મેલોને મોહન મટકી.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 6)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968