મોતીના વરસે છે મેઘ

જલભરી વાદળી વાડીમાં વરસે,

એના પાણીલાં રેલમછેલ; મોતીના વરસે છે મેઘ.

ખેતરના ખેડુ, ઓરોને કડલાં,

કાંબીયુંની બે બે જોડ; મોતીના વરસે છે મેઘ.

જલભરી વાદળી વાડીમાં વરસે,

એનાં પાણીલાં રેમમછેલ; મોતીના વરસે છે મેઘ.

ખેતરના ખેડુ, ઓરોને ચુડલા,

ગુજરીની બે બે જોડ; મોતીના વરસે છે મેઘ.

જલભરી વાદળી વાડીમાં વરસે,

એનાં પાણીલાં રેલમછેલ; મોતીના વરસે છે મેઘ.

ખેતરના ખેડુ, ઓરોને ઝુમણાં,

કાંઠલીની બે બે જોડ; મોતીના વરસે છે મેઘ.

જલભરી વાદળી વાડીમાં વરસે,

એનાં પાણીલાં રેલમછેલ; મોતીના વરસે છે મેઘ.

ખેતરના ખેડુ, ઓરોને નથડી,

ડીલડીની બે બે જોડ; મોતીના વરસે છે મેઘ.

જલભરી વાદળી વાડીમાં વરસે,

એનાં પાણીલાં રેલમછેલ; મોતીના વરસે છે મેઘ.

ખેતરના ખેડુ, ઓરોને ચુંદડી,

ઓઢણીની બે બે જોડ; મોતીના વરસે છે મેઘ.

પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 23)
સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1968

motina warse chhe megh