ચકલી તારા ખેતરમાં

ચકલી તારા ખેતરમાં મેં ઝીંઝવો વાવ્યો!

ઝીંઝવે ચડી જોઉં ત્યાં કોઈ માનવી આવે!

લીલી ઘોડી પીળો ચાબખો નાનુભાઈ આવે!

ઘૂઘરીયાળી વેલ્યમાં નાની વહુ આવે!

ખોળામાં બાવલ બેટડો ધવરાવતી આવે!

દૂધે ભરી તળાવડી નવરાવતી આવે!

ખોળામાં ખારેક ટોપરાં ચવરાવતી આવે!

થાળ ભર્યો શગ મોતીએ વધાવતી આવે!

આવ્યા રે વીરા વાત કહું કિયે દેશથી આવ્યો?

છએ...... શે’રના....... શે’રથી........ આવ્યો.

ઝીણી ભરડાવું લાપસી માંહી સાકર ભેળું.

ખોબલે પીરસું ખાંડ રે વા’લ્યો વીર જમાડું.

chakli tara khetarman