રેખ્તા
હિન્દવી
સૂફીનામા
રાજસ્થાની
કાળીપરજનું લોકગીત
kaliparajanun lokgit
કાળીપરજનું લોકગીત
kaliparajanun lokgit
ચાલ રે છોકરી! ટોપલો લઈને, છાણાં વેણવા જઈએ રે;
છાણાં વેણતાં છાંજ પડી, અવડે કાંઈ જઈએ રે!
ચાલ રે છોકરી! નરાજ લઈને, તળાવ બાંધવા જઈએ;
તળાવ બાંધતાં છાંજ પડી, અવડે કાંઈ જઈએ રે?
ચાલ રે છોકરી! માટલું લઈને પાણી ભરવા જઈએ રે;
પાણી ભરતાં છાંજ પડી, અવડે કાંઈ જઈએ રે?
ચાલ રે છોકરી! ગાડી લઈને, લાકડાં લેવા જઈએ રે;
લાકડાં લેતાં છાંજ પડી, અવડે કાંઈ જઈએ રે?
ચાલ રે છોકરી! ટોપલી લઈને, પાતરાં વણવાં જઈએ રે;
પાતરાં વણતાં છાંજ પડી, અવડે કાંઈ જઈએ રે?
ચાલ રે છોકરી! ટોપલી લઈને આમલી પાડવા જઈએ રે;
આમલી પાડતાં છાંજ પડી, અવડે કાંઈ જઈએ રે?
ચાલ રે છોકરી! ટોપલી લઈને આંબા પાડવા જઈએ રે;
આંબા પાડતાં છાંજ પડી, અવડે કાંઈ જઈએ રે?
ચાલ રે છોકરી! ચાલ રે છોકરી, રમત કરવા જઈએ રે;
રમતાં કરતાં છાંજ પડી, અવડે કાંઈ જઈએ રે?
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 300)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, કંચન જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968