રેખ્તા
હિન્દવી
સૂફીનામા
રાજસ્થાની
મા-બાપનો સંદેશો
ma bapno sandesho
માડી રે, મને પૈસે અળગી કીધી રે મા;
રૂપિયે અળગી કીધી રે મા!
ડેસૈયો ઘણો દૂર,
માડી રે, મારા બાપને તેડવા મેલો રે મા;
બાપને તેડવા મેલો રે મા!
ડીકરી રે, તારી બાપની મોટી અવસ્થા રે મા,
બાપને મોટી અવસ્થા રે મા!
ડેસૈયો ઘણો દૂર; માડી રે મને.
માડી રે, મને પૈસે અળગી કીધી રે મા,
રૂપિયે આગળ કીધી રે મા;
માડી રે, મારા કાકાને તેડવા મેલો રે મા!
ડેસૈયો ઘણો દૂર; માડી રે મને.
ડીકરી, તારો કાકો કાકીને આધીન રે મા,
કાકીને આધીન રે મા;
ડેસૈયો ઘણો દૂર; માડી રે મને.
માડી રે, મને પૈસે અળગી કીધી રે મા,
રૂપિયે અળગી કીધી રે મા;
માડી રે, મારા મામાને તેડવા મેલો રે મા,
ડૈસૈયો ઘણો દૂર; માડી રે મને.
ડીકરી રે, તારો મામો મામીને આધીન રે મા,
મામીને આધીન રે મા,
ડેસૈયો ઘણો દૂર; માડી રે મા,
ડેસૈયો ઘણો દૂર માડી રે મને.
માડી રે મારા વીરાને તેડવા મેલો રે મા,
ડેસૈયો ઘણો દૂર; માડી રે મને.
ડીકરી રે, તારો વીરો ભાભીને આધીન રે મા,
ભાભીને આધીન રે મા,
ડેસૈયો ઘણો દૂર; માડી રે મને.
ડીકરી રે, તારા કેસરડા એંધાણ રે મા?
કેસરડા એંધાણ રે મા?
કેણી પેરે તેડવા મૂકું રે મા?
ડેસૈયો ઘણો દૂર; માડી રે મને.
માડી રે મા, તારી તે દીઝેલ ચૂંદડી રે મા,
તારી તે દીધેલ ચૂંદડી રે મા!
એસડા એંધાણ રે મા,
ઈ રે એંધાણે ઓળખાજો રે મા!
માડી રે મને.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 84)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, પ્રા. નાગજીભાઈ કે.ભટ્ટી (આ ગીત શ્રી અને શ્રીમતી લક્ષ્મીનારાયણ લાલજીભાઈ જોશી પાસેથી મળેલ.)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968