ગરબે રમવા આવો

રાતી રાતી મોઈ મારા દિલિપભાઈ રે, મારે ગરબે રમવા આવો,

હું કેમ આવું મારી બોનડી, રે ગોરી છેડો ના મેલે,

ગોરી ને ઘડાવો વાદણ વીંછિયા રે, ગોરી સમઝમ ચાલે,

હાલે ને ચાલે બૈયર એકલાં રે, ભેગા કોકીલાબેન સોંઢાડો,

કોકીલાબેનને પગે સોનાના પાવલાં રે, ડોકે નવસેરો હાર,

હાર ટીંગાડો ઘરને ટોડલે રે પુત્ર પારણિયે પોઢાડો,

રાતી રાતી મોઈ, મારા દિલિપભાઈ રે, મારે ગરબે રમવા આવો,

રસપ્રદ તથ્યો

નવરાત્રમાં નાની બાળાઓ ગાય છે એવું આ ગીત શારદાબેન ડોડીયા પાસેથી મળ્યું છે.

પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 95)
સંપાદક : ગુજરાત લોકસાહિત્ય સમિતિ {મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, પ્રા. નાગજીભાઈ કે.ભટ્ટી (નીચેનાં ગીતો ભૂજનાં શ્રી. ભાનુમતીબેન જોશી પાસેથી મળ્યા છે.)}
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1968

garbe ramwa aawo