રેખ્તા
હિન્દવી
સૂફીનામા
રાજસ્થાની
વણજારા જી રે
wanjara ji re
વણજારા જી રે
wanjara ji re
લાલ વણજારો જી રે, છેલ વણજારા જી રે;
લઈને ચાલ્યા મધરાત, લાલ વણજારા જી રે.
ખેતર હોય તો ખેડીએ, વણજારા જી રે;
ડુંગર ખેડ્યા નવ જાય, લાલ વણજારા જી રે.
લેખણ હોય તો લેખિયે, વણજારા જી રે;
કરમ લખ્યાં નવ જાય, લાલ વણજારા જી રે.
પોપટ હોય તો પાળીએ,વણજારા જી રે;
જોબન પાળ્યાં નવ જાય, લાલ વણજારા જી રે.
કુવા રે હોય તો તાગીએ, વણજારા જી રે;
સમદર તાગ્યા નવ જાય, લાલ વણજારા જી રે.
તરુવર હોય તો ટેવીએ, વણજારા જી રે;
તારા ટેવ્યા નવ જાય, વણજારા જી રે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 244)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968