રેખ્તા
હિન્દવી
સૂફીનામા
રાજસ્થાની
હાલરડું
halaraDun
હાલરડું
halaraDun
ઝૂલો ઝૂલો જશોદાના લાલ, પોઢો પારણિયે!
ઝૂલો ઝૂલોને નંદજીના બાળ, પોઢો પારણિયે!
તારૂં પારણિયું સોનલે મઢાવશું રે,
મોતી, માણેક ને હીરલે જડાવશું રે;
તને ખમા ખમા કઉં નંદલાલ, પોઢો પારણિયે!
ઝૂલો ઝૂલો જશોદાના લાલ, પોઢો પારણિયે!
ઝૂલો ઝૂલોને નંદજીના બાળ, પોઢો પારણિયે!
તારૂં પારણિયું રંગે રંગાવશું રે,
એને ઝાલર જરીની મેલાવશું રે;
તારાં હાલરડાં ગાઉં નંદલાલ, પોઢો પારણિયે!
ઝૂલો ઝૂલો જશોદાના લાલ, પોઢો પારણિયે!
ઝૂલો ઝૂલો હો નંદજીના બાળ, પોઢો પારણિયે!
તને રમવા રમકડાં આલશું રે,
નિત નવા નવા વાઘા પેરાવશું રે;
તારૂં મુખડું જોઈ હરખાઉં લાલ, પોઢો પારણિયે!
ઝૂલો ઝૂલો જશોદાના લાલ, પોઢો પારણિયે!
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 41)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કાળીદાસ મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968