રેખ્તા
હિન્દવી
સૂફીનામા
રાજસ્થાની
ઈંઢોણી
inDhoni
ઈંઢોણી
inDhoni
નણદલ બાઈના વીરા, લાવો મારી ઈંઢોણી રે;
શોકલડીના સાયબા, લાવો મારી ઈંઢોણી રે.
ઈંઢોણીને કારણે મેં તો મેલ્યા છે મા ને બાપ.
લાવો મારી ઈંઢોણી રે.
નણદલ બાઈના વીરા, લાવો મારી ઈંઢોણી રે;
ઈંઢોણીને કારણે મેં તો મેલ્યાં છે કાકો કટંબ,
લાવો મારી ઈંઢોણી રે.
નણદલ બાઈના વીરા, લાવો મારી ઈંઢોણી રે;
ઈંઢોણીને કારણે મેં તો મેલ્યાં છે મામો મોસાળ,
લાવો મારી ઈંઢોણી રે.
નણદલ બાઈના વીરા, લાવો મારી ઈંઢોણી રે;
ઈંઢોણીને કારણે મેં તો રોતાં મેલ્યાં નાનાં બાળ,
લાવો મારી ઈંઢોણી રે.
નણદલ બાઈના વીરા, લાવો મારી ઈંઢોણી રે
શોકલડીના સાયબા, લાવો મારી ઈંઢોણી રે.
લાવો મારી ઇંઢોણી રે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 247)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968