રેખ્તા
હિન્દવી
સૂફીનામા
રાજસ્થાની
મીઠાં સરોવર, મીઠા લીમડા રે લોલ
mithan sarowar, mitha limDa re lol
મીઠાં સરોવર, મીઠા લીમડા રે લોલ
mithan sarowar, mitha limDa re lol
મીઠાં સરોવર, મીઠા લીમડા રે લોલ,
મીઠા બાપાજીના બોલ જો;
જીવના સંતોષ તમે સાંભળો રે લોલ.
કડવા કરજો કે તારા લીમડા રે લોલ,
કડવા સસરાજીના બોલ જો;
જીવન વજોગ તમે સાંભરો રે લોલ.
મીઠાં સરોવર, મીઠા લીમડા રે લોલ,
મીઠા માતાજીના બોલ જો;
જીવન સંતોષ તમે સાંભરો રે લોલ.
કડવા કરજો કે તારા લીમડા રે લોલ,
કડવા સાસુજીના બોલ જો;
જીવના વજોગ તમે સાંભરો રે લોલ.
મીઠાં સરોવર, મીઠા લીમડા રે લોલ,
મીઠા તે બહેનીના બોલ જો;
જીવના સંતોષ તમે સાંભરો રે લોલ.
કડવા કરજો, કે તારા લીમડા રે લોલ.
કડવા નણદલડીના બોલ જો;
જીવના વજોગ તમે સાંભરો રે લોલ.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 260)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968