રેખ્તા
હિન્દવી
સૂફીનામા
રાજસ્થાની
વાડામાં વાલોરિયો
waDaman waloriyo
વાડામાં વાલોરિયો
waDaman waloriyo
વાડામાં વાલોરિયો, કાના, નાગર વેલ જો,
આંગણિયે ઉગી છે લીલી નાગર વેલ;
કાના નાગરવેલ જો.
લાપસી રંધાવું, કાના, નાગર વેલ જો,
જમશે મારો વીરો, ને પરણ્યો ચાટે હોઠ;
કાના નાગરવેલ જો.
વાડામાં વાલોરિયો, કાના, નાગર વેલ જો,
આંગણિયે ઉગી છે લીલી નાગર વેલ;
કાના નાગરવેલ જો.
ઢોલિયા ઢરાવું, કાના, નાગર વેલ જો,
પોઢશે મારો વીરો, ને પરણ્યો પાયા હેઠ;
કાના નાગરવેલ જો.
વાડામાં વાલોરિયો, કાના, નાગર વેલ જો,
આંગણિયે ઉગી છે લીલી નાગર વેલ;
કાના નાગરવેલ જો.
રોજી ઘોડી છોડું, કાના, નાગર વેલ જો,
ચડશે મારો વીરો ને પરણ્યો પાટુ ખાય;
કાના નાગરવેલ જો.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 29)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968