ઢોલ નગારાં વાગે

ઢોલ નગારાં ને ઝાલર વાગે,

વાગે છે શરણાઈ વાજાં રે;

હાલો જોવાને જાયેં,

દ્વારકામાં રણછોડરાય ડેરાં ચણાવે,

ધરમની ધજા બંધાવે રે;

હાલો જોવાને જાયેં.

ઢોલ નગારાં ને ઝાલર ને ઝાલર વાગે,

વાગે છે શરણાઈ વાજાં રે;

હાલો જોવાને જાયેં.

માધવપુરમાં માધવરાય ડેરાં ચણાવે,

ધરમની ધજા બંધાવે રે;

હાલો જોવાને જોયેં.

ઢોલ નગારાં ને ઝાલર વાગે,

વાગે છે શરણાઈ વાજાં રે;

હાલો જોવાને જાયેં.

બેટડામાં વિઠ્ઠલરાય ડેરાં ચણાવે,

ધરમની ધજા બંધાવે રે;

હાલો જોવાને જાયેં.

ઢોલ નગારાં ને ઝાલર વાગે,

વાગે છે શરણાઈ વાજાં રે;

હાલો જોવાને જાયેં.

બીલેશ્વરમાં બીલનાથ ડેરાં ચણાવે,

ધરમની ધજા બંધાવે રે;

હાલો જોવાને જાયેં.

પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 16)
સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1968

Dhol nagaran wage