ચરણામૃત

હાથમાં ડમરૂ ત્રિશુળ બીરાજે, આવ્યા સદાશીવ ગોકુળમાં;

રંગભવનમાં બેઠાં જશોદા, અવાજ સુણ્યા એના કાનુમાં.

ચારેય ખૂણે સોનાં રૂપાં, લ્યો બાવાજી તમે ઝોળીમાં;

અમે રે જોગી બાવા જંગલનાં, રે’વું અમારે અંકાશુમાં

અમે આવ્યા છી તારા બાલકનાં, દરશન કરવા ગોકુલમાં;

સોના રૂપાને અમે શું કરીયે? લઈ જાવ તમારા ઘરડામાં.

અમારો બાલક કાલ જનમિયા, નજરૂં લાગે એને સખિયુંની;

એટલું કીધું ને માત સમજી ગ્યાં, તેડી લીધા કૃષ્ણને બાથુમાં.

સામ સામી જ્યાં નજર લાગી, શીશી નમાવ્યાં શંકરજી;

પાહોલા ધોઈ ચરણામૃત લીધું, અમર રહે તારી કાયાજી.

પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 74)
સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1968

charnamrit