રેખ્તા
હિન્દવી
સૂફીનામા
રાજસ્થાની
ઝીણો ઝીણો સંતાર વાગે છે
jhino jhino santar wage chhe
ઝીણો ઝીણો સંતાર વાગે છે
jhino jhino santar wage chhe
ઝીણો ઝીણો સંતાર વાગે છે,
એવો સૂરજ ગગનમાં ગાજે છે; વનરાવન મોરલી વાગે છે.
મારો સસરો નીંદરમાં પોઢ્યા છે,
સાસુડી વેરણ જાગે છે; વનરાવન મોરલી વાગે છે.
ઝીણો ઝીણો સંતાર વાગે છે,
એવો સૂરજ ગગનમાં ગાજે છે; વનરાવન મોરલી વાગે છે.
મારો જેઠ નીંદરમાં પોઢ્યા છે,
જેઠાણી વેરણ જાગે છે વનરાવન મોરલી વાગે છે.
ઝીણો ઝીણો સંતાર વાગે છે,
એવો સૂરજ ગગનમાં ગાજે છે; વનરાવન મોરલી વાગે છે.
મારો દેર નીંદરમાં પોઢ્યા છે,
દેરાણી વેરણ જાગે છે; વનરાવન મોરલી વાગે છે.
ઝીણો ઝીણો સંતાર વાગે છે,
એવો સૂરજ ગગનમાં ગાજે છે; વનરાવન મોરલી વાગે છે
મારો પરણ્યો નીંદરમાં પોઢ્યા છે,
નણંદડી વેરણ જાગે છે; વનરાવન મોરલી વાગે છે.
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 219)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, હરિલાલ કાળીદાસ મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1966