રેખ્તા
હિન્દવી
સૂફીનામા
રાજસ્થાની
શું કઈએ?
shun kaiye?
શું કઈએ?
shun kaiye?
કા’ન, વારે વારે શું કઈએ રે?
એક સાનમાં સમજી લઈએ; મારગડો મેલોને કા’ન.
મારા સસરા તે દૂધ સાકર પાણી રે,
મારા સાસુની અમૃત વાણી; મારગડો મેલોને કા’ન.
કા’ન, વારે વારે શું કઈએ રે?
એક સાનમાં સમજી લઈએ, મારગડો મેલોને કા’ન.
મારા જેઠ તે હાથીદાંત ચૂડો રે,
મારાં જેઠાણી ચૂડલીની ચીપ; મારગડો મેલોને કા’ન.
મારી નણંદ તે સોય કેરી અણી રે,
વાત પૂછ્યાની એને હોંશ ઘણી; મારગડો મેલોને કા’ન.
મારા દિયર છે ડેલીના દીવાન રે,
મારી દેરાણી અમ થકી જોડ; મારગડો મેલોને કા’ન.
કા’ન, વારે વારે શું કઈએ રે?
એક સાનમાં સમજી લઈએ; મારગડો મેલોને કા’ન.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 212)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, કંચનગૌરી પરમાર)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968