રેખ્તા
હિન્દવી
સૂફીનામા
રાજસ્થાની
નગારાં ગડગડે
nagaran gaDagDe
નગારાં ગડગડે
nagaran gaDagDe
સાંજ ને સવારે નગારાં ગડગડે,
ઝાલર પૂરે ઝીણા ઝીણા સૂર રે;
સૂરજદાદા, કીરતિ રે વધારી કાઠિયાવાડની.
દેવળા તે ગામનાં દેવળ દીસતાં,
ત્યાં છે કંઈ રાણી રાંદલનો સાથ રે;
સૂરજદાદા, કીરતિ વધારી કાઠિયાવાડની.
સાંજ ને સવારે નગારાં ગડગડે;
ઝાલર પૂરે ઝીણા ઝીણા સૂર રે;
સૂરજદાદા, કીરતિ વધારી કાઠિયાવાડની.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 214)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, કંચનગૌરી પરમાર)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968