રેખ્તા
હિન્દવી
સૂફીનામા
રાજસ્થાની
ગઢ ગિરનારથી બાવોજી ઉતર્યો
gaDh girnarthi bawoji utaryo
ગઢ ગિરનારથી બાવોજી ઉતર્યો
gaDh girnarthi bawoji utaryo
ગઢ ગિરનારથી બાવોજી ઉતર્યો
એ આવીને ધૂળીયું ધખાવે રે!
માંગણ બાવો જોગી ભમતો આવે.
જૂનાગઢ શહેરમાં જૂની તારી થાપના
વિલાત અમરો લાવે,
માંગણ બાવો જોગી ભમતો આવે.
એ રમતો ભમતો આવે,
માંગણ બાવો જોગી ભમતો આવે.—ગઢ.
ચોટિલા શહેરમાં જૂની તારી થાપના,
વિલાત અમરો લાવે,
માંગણ બાવો જોગી ભમતો આવે.
એ રમતો ભમતો આવે,
માંગણ બાવો જોગી ભમતો આવે.
ઉપલેટા શહેરમાં જૂની તારી થાપના,
વિલાત અમરો લાવે,
એ રમતો ભમતો આવે,
માંગણ બાવો જોગી ભમતો આવે.—ગઢ.
સ્રોત
- પુસ્તક : ગુજરાતી લોકસાહિત્યમાળા – મણકો– ૪ (પૃષ્ઠ ક્રમાંક 40)
- સંપાદક : ગુજરાત લોકસાહિત્ય સમિતિ (ધૂમકેતુ, મંજુલાલ ર. મજમૂદાર, પુષ્કર ચંદરવાકર, સુધા રમણલાલ દેસાઇ, મધુભાઈ પટેલ, કનૈયાલાલ જોશી.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1964