રેખ્તા
હિન્દવી
સૂફીનામા
રાજસ્થાની
ડોબલડી
DobalDi
ડોબલડી
DobalDi
નાનો દીયોરિયો રાજકોટ જ્યો’તો
લાવ્યો છે જોરુકી ભેંશ, બેલીડા!
એ રે ડોબલડીને શીદ વો’રી લાવ્યો?
એ રે ડોબલડીને છીલે રે બાંધી,
એણે શીશમના છીલા ભાંજ્યા, બેલીડા!
એ રે ડોબલડીને શીદ વો’રી લાવ્યો?
એ રે ડોબલડીને પાણી પાવા છોડી,
બાર બાર નદિયું ડોળી, બેલીડા!
એ રે ડોબલડીને શીદ વો’રી લાવ્યો?
એ રે ડોબલડીને દો’વા બેઠા,
બાર બાર બોઘૈણાં ભર્યાં, બેલીડા!
એ રે ડોબલડીને શીદ વો’રી લાવ્યો?
એ રે ડોબલડીનાં વલોણાં ઘોમો,
તેર તેર નેતરાં તાણ્યા, બેલીડા!
એ રે ડોબલડીની શીદ વો’રી લાવ્યો
એ રે ડોબલડીની તાવણ કાઢી,
બાર બાર ઘોણીઆ ભર્યા, બેલીડા!
એ રે ડોબલડીને શીદ વો’રી લાવ્યો?
નાનો દીયોરિયો રાજકોટ જ્યોતો,
લાવ્યો છે ભુરુડી ભેંશ, બેલીડા!
એ રે ડોબલડીને શીદ વો’રી લાવ્યો?
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 145)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, જગદીશ ચાવડા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1966